PANGUCAP

Apa kang aran pangucap hiya iku lathi,
kang bisa nuwuhake ala cilaka,
beja lan kamulyaning diri...
mula kita bisa ngundhuh wohing pakarti hamung gumathok aning pangucaping lathi.
Watak, watek,lan watuke manungsa bisa kawaca saka logat, lagak, laguning pangucap kang sinembur awur awur saking lathi.
Pangucap kita bakal bisa hanuntun marang katentreman kang dadi sarananing ngurip ing ngalam ndonya.
Janma tan kena kinira....mula hagya njaga pangucap kita,
awit pangucap iku kalebu wisa kang ginawa dening badan salira..
kaya dene kelabang wisane ana ing ndas,
yen kalajengking wisane ana ing buntut,
nanging janma manungsa awewisa haning pangucap lan badannyo...


Pangucap iku bisa dadi jalaran kebecikan.
Pangucap uga dadi jalaraning pati, kesangsaran, pamitran.
Pangucap uga dadi jalaraning wirang.
Manungsa sadrema nglakoni, kadya wayang umpamane.
Mula ala lan becik iku dumunung ana awake dhewe.......
Tumrapno Geni iku luwih panas katimbang srengenge,
nanging isih luwih panas pangucaping janma manungsa.......
Mula ana pangandikan sak beja bejane wong kang lali isih luwih beja wong kang eling lan waspada....