MUPUS

Wus ginarising urip, yen ta kudu pepisahan, senadyanta abot jroning ati....
Garwo kang dak tresnani, kang dadi pepujanku, wus tega mblenjani janji...
Janji prasetya tumekeng pati, jebul mung ana pucuking lathi...


Duh yayi...
Nangis jroning batin iki saben kelingan marang sliramu...
Rikala isih urip bebarengan kang kebak nistha...
Ambudidaya mung sak dermo golek pangupa jiwa...
Golek tentreming jiwa lan raga...
Suprihe tetep bisa urip lan nguripi kulawarga


Duh Yayi.....
Dak tangisana rina klawan wengi, bebasan nganti asat waspaku
Kabeh mau tan mawa guna, ya mung siji kang dak bangetake..
Tangising keng putra...tanpa dosa melu nandang sengsara...
Kagawa saka tumindake wong tuwa....


Anakku ngger..
Wis cup menenga, aja pijer nangis bae...
Isih adoh lelakon kang kudu tok tindakake...
Kae lintang lan mbulane angawe......
Simpenen tangismu ngger..
Kanggo jimat sajroning uripmu


Aja pijer nangis bae...datan bisa mbukak apa isining buntelan
Buntelan peparinging Pengeran, awujud ngelmu kang nuntun badanira...
Awit akeh bebaya kang ngadhang cawis bebeka jroning lelakonmu...
Buta raseksa saumpama...bisa sirna mung karana ngelmu......
Ngelmu ngagama lan ngelmu ndunya..........

Aja pijer nangis bae...datan bisa mbukak apa isining buntelan......